ਸਿੱਖ ਸਮਾਜ ਨੂੰ ਵੰਢਣ ‘ਚ ਬਾਬਿਆਂ ਦਾ ਵੱਡਾ ਹੱਥ, ਹਰਨਾਮ ਸਿੰਘ ਧੁੰਮਾਂ ‘ਤੇ ਭੜਕੇ ਸਿੱਖ ਬੁੱਧੀਜੀਵੀ

ਮੁੰਬਈ ਦੇ ਵਿੱਚ ਦਮਦਮੀ ਟਕਸਾਲ ਦੇ ਮੁਖੀ ਹਰਨਾਮ ਸਿੰਘ ਖਾਲਸਾ ਵੱਲੋਂ ਭਾਜਪਾ ਦੇ ਹੱਕ ਦੇ ਵਿੱਚ ਵੋਟਾਂ ਮੰਗਣ ਦਾ ਮਾਮਲਾ ਹੁਣ ਭੱਖਦਾ ਜਾ ਰਿਹਾ ਹੈ। ਇਸ ਮਾਮਲੇ ਦੇ ਵਿੱਚ ਸਿੱਖ ਬੁੱਧੀਜੀਵੀ ਡਾਕਟਰ ਅਨੁਰਾਗ ਸਿੰਘ ਨੇ ਕਿਹਾ ਕਿ ਪੰਜਾਬ ਦੇ ਵਿੱਚ ਜੋ ਇਸ ਵਕਤ ਮਾਹੌਲ ਖਰਾਬ ਹੋ ਰਿਹਾ ਹੈ। ਧਾਰਮਿਕ ਅਤੇ ਸਿਆਸੀ ਸੰਕਟ ਚੱਲ ਰਿਹਾ ਹੈ ਇਸ ਵਿੱਚ ਬਾਬੇ ਹੀ ਜਿੰਮੇਵਾਰ ਹਨ।

ਉਹਨਾਂ ਕਿਹਾ ਕਿ ਸਾਰੇ ਹੀ ਬਾਬੇ ਪੰਜਾਬ ਨਾਲ ਹੀ ਸੰਬੰਧਿਤ ਨੇ ਭਾਵੇਂ ਉਹ ਰਾਮ ਰਹੀਮ ਹੋਵੇ ਭਾਵੇਂ ਉਹ ਹੋਰ ਬਾਬੇ ਹੋਣ। ਡਾਕਟਰ ਅਨੁਰਾਗ ਸਿੰਘ ਮੁਤਾਬਿਕ ਜਰਨੈਲ ਸਿੰਘ ਨੇ ਹੀ ਮੁੰਬਈ ਦੇ ਵਿੱਚ ਆਪਣਾ ਦਫਤਰ ਬਣਾਇਆ ਸੀ ਅਤੇ ਉਸਨੂੰ ਰੈਨੋਵੇਟ ਕਰਨ ਤੋਂ ਬਾਅਦ ਉਸ ਦਾ ਉਦਘਾਟਨ ਕਰਨ ਲਈ ਜੇਕਰ ਮਨਜਿੰਦਰ ਸਿਰਸਾ ਆ ਸਕਦੇ ਨੇ ਤਾਂ ਜ਼ਾਹਿਰ ਹੈ ਕਿ ਉਹ ਭਾਜਪਾ ਦੇ ਹੱਕ ਦੇ ਵਿੱਚ ਜੇਕਰ ਵੋਟਾਂ ਮੰਗਦੇ ਨੇ ਤਾਂ ਹੈਰਾਨੀ ਨਹੀਂ ਹੋਣੀ ਚਾਹੀਦੀ। ਡਾਕਟਰ ਅਨੁਰਾਗ ਸਿੰਘ ਨੇ ਕਿਹਾ ਕਿ ਇੱਕ ਦਹਾਕੇ ਪਹਿਲਾਂ ਹੋਈਆਂ ਚੋਣਾਂ ਦੇ ਵਿੱਚ ਹਰਨਾਮ ਸਿੰਘ ਖਾਲਸਾ ਨੇ ਅਰਦਾਸ ਕਰਕੇ ਸਿੱਖ ਸਮਾਜ ਨੂੰ ਅਕਾਲੀ ਦਲ ਦੇ ਹੱਕ ਦੇ ਵਿੱਚ ਭੁਗਤਣ ਲਈ ਕਿਹਾ ਸੀ।

ਇਹ ਵੀ ਪੜ੍ਹੋ: ਘਰ ਵਿੱਚ ਕੀੜੀਆਂ ਦਾ ਆਤੰਕ? ਮੱਖੀਆਂ ਤੇ ਕੀੜੇ-ਮਕੌੜੇ ਵੀ ਬਣ ਗਏ ਹਨ ਸਿਰਦਰਦੀ! ਅਪਣਾਓ ਇਹ ਘਰੇਲੂ ਨੁਸਖੇ…

ਉਹਨੇ ਕਿਹਾ ਕਿ ਇਹ ਬਾਬੇ ਅਜਿਹਾ ਹੀ ਕਰਦੇ ਹਨ। ਪਰ ਵੱਡੀ ਗੱਲ ਇਹ ਹੈ ਕਿ ਇਹਨਾਂ ਦੀ ਇਸ ਅਪੀਲ ਦਾ ਕੋਈ ਫਰਕ ਪੈਂਦਾ ਹੈ ਜਾਂ ਨਹੀਂ? ਉਹਨਾਂ ਕਿਹਾ ਕਿ ਨਾ ਤਾਂ ਰਾਮ ਰਹੀਮ ਦੀ ਅਪੀਲ ਦਾ ਕੋਈ ਫਰਕ ਪਿਆ ਸੀ ਅਤੇ ਨਾ ਹੀ ਹਰਨਾਮ ਸਿੰਘ ਖਾਲਸਾ ਦੀ ਅਪੀਲ ਨਾਲ ਕੋਈ ਫਰਕ ਪਵੇਗਾ। ਉਹਨੇ ਇਹ ਵੀ ਕਿਹਾ ਕਿ ਸਿੱਖ ਸਮਾਜ ਨੂੰ ਵੰਡਣ ਦੇ ਵਿੱਚ ਬਾਬਿਆਂ ਦਾ ਹੱਥ ਰਿਹਾ ਹੈ।